Një mësuese e një shkolle të mesme në Rovigo është qëlluar nga disa fishekë gome nga nxënësit teksa jepte mësim.
Episodi ka ndodhur në një klasë të institutit “Viola Marchesini” dhe është filmuar nga një nxënës, i cili më pas ka shpërndarë videon në rrjetet sociale.
Mësuesja u godit dy herë, fillimisht në kokë dhe më pas në sy.
Drejtoresha e institutit, përveç masave disiplinore ndaj fëmijëve, ka paralajmëruar policinë dhe ka thirrur prindërit: “Veprim i rëndë dhe i paramenduar”.
“Si mësues, më shumë se të alarmuar jemi zemërthyer nga pikëpamja edukative , sepse fëmijët nuk e kanë perceptuar vlerën negative të gjestit të tyre, kanë reaguar sikur të ishte lojë”, komentoi drejtoresha e institutit teknik, Isabella Sgarbi.
“Nuk vijnë nga familje me shqetësim, janë fëmijë normalë. Thjesht e morën si lojë. Por talleshin me një zyrtar publik, ata nuk e kuptonin shkallën e vlerave”.
“Ne jemi institut teknologjik, dhe ne mësojmë përdorimin e saktë të teknologjive. Fëmijët marrin edhe mësime juridike dhe edukate qytetare dhe ne duhet të insistojmë në këtë”.
