Fluturimet në Aeroportin Ndërkombëtar Mactan-Cebu, mbetën të pezulluara ditën e sotme pasi avionic Korean Air KE621 u përplas me pistën për shkak të motit të keq.
Fatmirësisht si pasojë e përplasjes askush nuk u lëndua, ndërkohë mësohet se 162 pasagjerët dhe 11 anëtarët e ekuipazhit të bordit u shpëtuan dhe ndodhen të sigurt
GMR-Megawide Cebu Airport Corporation (GMCAC) në një deklaratë për shtyp lajmëruan se për shkak të këtij aksidenti janë pezulluar të gjitha fluturimet në aeroport deri në një njoftim të dytë.
“Incidenti ka bërë të nevojshme mbylljen e përkohshme të pistës së MCIA-së për të mundësuar largimin e sigurt të avionit. Për momentin, të gjitha fluturimet ndërkombëtare dhe të brendshme për dhe nga MCIA janë anuluar deri në njoftimin e mëtejshëm, “tha GMCAC, konsorciumi privat që bashkëadministron aeroportin Mactan.
GMCAC gjithashtu konfirmoi se përpjekja për ulje e KE631 ndodhi gjatë shirave të dendur. Presidenti Korean Air Keehon Woo u kërkoi gjithashtu falje pasagjerëve, ekuipazhit dhe të afërmve të tyre në lidhje me incidentin.
“Ne gjithmonë i japim përparësi sigurisë në të gjitha operacionet tona dhe me të vërtetë na vjen keq për stresin dhe shqetësimin që u sollën pasagjerëve tanë,” shkroi Woo në një deklaratë.
