Kryetari i PD-së, Sali Berisha, ka dalë në mbështetje të protestës që organizohet sot pasdite në Tiranë përpara Ministrisë së Brendshme.
Berisha shkruan në Fb: “Sot, në ora 18:00, protestë e fuqishme për vdekjen me dhunë të të riut, Lear Kurtit, nga policë banditë të droguar të Ramës-Çuçit, dhe vrasjen e tij për së dyti nga krimineli i tyre me uniformë, Ardi Veliu.”
Protesta me sloganin “Kupa u mbush” është duke u organizuar kryesisht nga të rinjtë në rrjetet sociale: “Stop ekzekutimit të shqiptarëve. Të rinjtë thërrasin protestë. Leartin e vrau Policia.” Ajo do të mbahet sot më 23 tetor në ora 18:00 tek Ministria e Brendshme.
