Atletja Luiza Gega ka marrë pjesë ditën e sotme në Maratonën e Tiranë, ku theu rekord kombëtar në gjysmë maratonën.
Ajo ka përshkruar 21 km në 70 minuta e 18 sekonda duke dalë e para në këtë garë. Gega është shprehur e emocionuar pas fitores, duke thënë se ishte skeptike dhe se nuk e dinte nëse do të arrinte ta fitonte këtë garë.
“Kisha besim që do thyeja një rekord, edhe pse isha pak skeptike, sigurisht që gjysma maratona dhe martona më japin mundësi për të thyer rekorde se ende s’janë vendos rekorde të forta” tha Gega për “Report Tv”.
Kujtojmë që kur të mbarojë maratona kryebashkiaku Erion Veliaj do të ndajë edhe çmimet, Gega për fitoren e saj do të “rrëmbejë” 2 mijë euro për vendin e parë në Gjysmë-Maratonë.
