Deputeti i Partisë Demokratike, Ervin Salianji është shprehur skeptik për procesin e bashkimi të PD-së.
Salianji tha se nuk shikon asnjë vullnet për të shkuar drejt një procesi gjithëpërfshirës dhe të përbashkët. Ai tha se për sa kohë një palë nxiton për primaret dhe pala tjetër nuk i pranon ato.
“Së pari çdo takim që ka një tagër përfaqësimi të caktuar vlen për PD. Në përditshmëri kemi takime rrimë në kafe e diskutojmë por qëndrimet publike janë të ndryshme. Vlen çdo diskutim nëse arrihet në një konkluzion, nëse bëhet për ti hedhur syve shqiptarëve nuk ka vlerë dhe i vlen vetëm interesave të secilit.
Shoh që nuk ka vullnet për bashkëpunim apo bashkim, por vullnete të mbrapshta për të ndarë edhe më tej PD, një palë nxiton me primaret, një palë thotë nuk i pranoj. Kur një anëtar një votë e kemi në Statut….Nëse do kishte një bashkim për të kontrolluar procesin, arritjen e një liste të përbashkët zgjedhore, kjo do ishte zgjidhje. Nëse kjo nuk arrin në një konkluzion do ti japin avantazhin në dorë Ramës”, tha Salinaji për “Kjo Javë”.K
