Përfundon ekspertiza mjeko-ligjore ndaj 32 vjeçarit Lear Kurti, i cili humbi jetën mbrëmjen e djeshme, pasi u shoqërua në komisariatin nr.3 në Tiranë.
Bëhet me dije se trupi i 32 vjeçarit është nxjerrë nga morgu i spitalit dhe është tërhequr nga familjarët, të cilët kanë akuzuar Policinë se kanë ushtruar dhunë ndaj djalit të tyre.
Në orën 16:00 do të zhvillohet dhe ceremonia e varrimit për të përcjellë në banesën e fundit të riun. Ndërkohë Inspektoriati i Mjekësisë Ligjore nuk ka dalë me një njoftim zyrtar në lidhje me rastin.
Lear Kurti ndërroi jetë mbrëmjen e djeshme, pas shfaqjes sw problemeve shwndetwsore, pasi u shoqërua nga Policia në komisariatin nr.3 në Tiranë, teksa ky i fundit nuk i ndaloi shenjës së patrullës duke u përpjekur që të largohet. Më pas efektivët kanë shoqëruar të riun në komisariat, ku ai ndërroi jetë. Ende nuk bëhen të ditura shkaqet dhe rrethanat e ngjarjes sesi Kurti humbi jetë mbrëmjën e së mërkurës.
