Një familje ka kursyer shumë që të blejë aeroplanin e vet në mënyrë që të shëtisin rreth botës me të. “The Sun” shkruan se familja Poter nga Kanadaja ka shpenzuar 500 mijë dollarë për mjetin fluturues, të cilin tashmë po e përdorin për të shijuar pushimet e jetës.
Familja e quajtur aeroplanin “Moose” dhe kanë shëtitur 12 vende të ndryshme, ku aktualisht po eksplorojnë Argjentinën.
Dy nga fëmijët Samantha 21vjeçe dhe Sydney 18 vjeçe veprojnë si bashkë-pilot, ndërsa mamaja Michelle është përgjegjëse për planifikimin dhe navigimin.
Më i riu i grupit Christopher, 15 vjeç, nuk është në gjendje të drejtojë vetë aeroplanin ende, por është përgjegjës për fluturimin e dronit të familjes, i cili kap shumë pamje për kanalet e tyre të mediave sociale.
“Është një përvojë vërtet e mrekullueshme, jo vetëm të fluturosh nëpër botë, të takosh të gjithë këta njerëz dhe të shohësh atë që shohim, por ta bësh atë si familje është një ëndërr e realizuar, nuk mund të kërkoja asgjë më shumë”, ka thënë kryefamiljari.
Ideja për udhëtimin lindi kur familja kuptoi se kishte një mundësi perfekte 14-mujore.
Ian tha se ai kishte dashur gjithmonë të merrte me vete gruan dhe fëmijët e tij në udhëtimet e tij më të gjata, dhe kjo u dha atyre mundësinë e përsosur për ta bërë këtë.
“Unë kam qenë pilot për një kohë të gjatë dhe kam bërë disa udhëtime mjaft të gjata. Kur i kisha bërë ato udhëtime, mendova se do të ishte mirë nëse mund ta bëja këtë për aq kohë sa të ishte e mundur dhe do të ishte mirë që të vijë edhe familja.
Ne u thamë fëmijëve se koha do të funksiononte mirë. Vajza e madhe mund të kalonte një vit pushim në universitet, vajza e dytë sapo kishte mbaruar shkollën e mesme dhe mund të bënte një pushim mes universitetit dhe djali im mund të mësonte në internet”, shton Ian.
Udhëtimi nuk është vetëm një projekt familjar, pasi ata gjithashtu po mbledhin para për bamirësi ndërsa fluturojnë.
Familja po mbledh fonde për SOS Fshatrat e Fëmijëve, të cilët ofrojnë mbështetje për fëmijët e ndarë, ose në rrezik ndarjeje, nga familjet e tyre. Porters synojnë të mbledhin 1 milion dollarë për bamirësinë.
