Deputeti i Partisë Demokratike, Saimir Korreshi, ka komentuar takimin e sotëm mes Gazment Bardhit dhe Edi Palokës, lidhur me negociatat për zgjedhjet vendore 2023.
Ai u shpreh në një intervistë në “Report tv” se takimi mes tyre ka qenë me nota pozitive , ndërsa nënvzoi se të dy kampet brenda PD-së kanë vullnetin për të bashkëpunuar.
“Bashkimi është i vështirë, por ngjitja është e mundur se në këtë moment duhet të mendojmë për demokratët dhe jo për interesat e secilës palë. Është detyrim i joni të arrijmë një marrëveshje me kandidat të përbashkët në të gjitha bashkitë. Takimi ka qenë me nota pozitive, normalisht jo çdo gjë bëhet me takimin e parë, ju e dini vetë situatën, është e vështirë. Por sot ka qenë me tone pozitive të dyja palët kanë dëshirë të arrijnë në një konkluzion”, u shpreh Korreshi.
Deputeti demokrat e konsideroi takimi Bardhi-Paloka si një fitore të madhe për demokratët, ndërsa sipas tij PD po shkon drejt bashkimit, por kjo mbetet për t’u parë në vijim.
“Sot negociatat kanë qenë a duan palët apo jo që të futen me kandidat të përbashkët. Kjo është një fitore e madhe për demokratët. Biseda ka qenë e sinqertë me tone pozitive, mes demokratësh ku kanë përtypur ato çfarë kanë thënë për njëri tjetrin. Nota kanë qenë pozitive për të dyja palët. Pjesën tjetër të rrugës do e shohim në ditët në vendim. Do jenë shumë të nxehta ditët në viimj, në diskutime po flas, nëse do të arrijnë bashkim”, përfundoi Korreshi.
