Prokuroria e Tiranës ka nisur hetimet për tre pallatet e ndërtuara në Tiranë. Bëhet fjalë për pallatin e Lul Morinës te Liqeni i Thatë, një pallat tek Myslym Shyri si dhe një tjetër te “Syri i Tiranës”.
Për ekzaminimin e këtyre objekteve janë caktuar nga prokuroria inxhinierë teknikë dhe ekspertët të cilët do të kryejnë aktespertizën teknike për këto ndërtesa.
Burime për mediat bëjnë me dije se ekspertëve i janë lënë detyra që të nxjerrin volumet jashtë, leje në kate siperfaqet, lartësi e gjerësi.
Aktualisht prokuroria e Tiranës ka në hetim rastet për vepren penale të ndërtimit pa leje. Prokuroria ka kërkuar nga bashkia sekuestrimin e dokumentacionit.
Në shtator të këtij viti Këshilli i Ministrave ka miratuar vendimin për konfiskimin e ndërtimeve pa leje, përmes së cilit pronarët e pallateve ose duhet ta blejnë ndërtimin pa leje me çmimi tregu dhe i legalizohet, ose ia dhurojnë shtetit, ose ndryshe i sekuestrohet.
