Një grua me probleme mendore është vrasësja e dyshuar e vajzës 12-vjeçar, e cila u gjet e pajetë në një valixhe në Paris, një krim që ka tronditur shoqërinë franceze në 24 orët e fundit.
Dambia B., një 24-vjeçare me origjinë nga Algjeria dhe me probleme ekstreme psikologjike akuzohet për përdhunimin, torturimin dhe vrasjen e vogëlushes Lola Davier.
Në konferencën e djeshme për media, Prokuroria tha se, gjatë marrjes në pyetje, e arrestuara ka bërë pretendime të ndryshme, herë duke pranuar e herë duke mohuar faktet e rastit. Por përfundimisht ajo pranoi se e mori vajzën në banesën e motrës së saj, e cila jeton në të njëjtën ndërtesë me familjen e vajzës dhe e detyroi të bënte dush. Më pas ajo e sulmoi seksualisht Lolën dhe kreu akte të tjera të dhunshme ndaj saj, të cilat rezultuan në vdekjen e saj.
Studentja u gjet e lidhur në një valixhe plastike në oborrin e një pallati pranë shtëpisë së saj. Trupi i saj u gjymtua. Pak kohë para krimit, kamera e sigurisë kishte regjistruar vrasësin e dyshuar dhe viktimën duke hyrë në pallatin ku jetonte 12-vjeçarja me prindërit e saj, në verilindje të kryeqytetit francez.
Gjashtë persona, përfshirë motrën më të madhe të Dhabias, Frieda B., u arrestuan në lidhje me rastin. Mes të arrestuarve është edhe një 43-vjeçar, i cili akuzohet se ka mbështetur një kriminel, pasi pas krimit ka marrë me makinë 24-vjeçaren. Disa nga të arrestuarit tashmë janë liruar, pasi autoritetet tani besojnë se i riu algjerian ka vepruar i vetëm.
Prindërit e Lolës së vogël e kuptuan se diçka nuk shkonte kur vajza nuk po kthehej nga shkolla. Babai, i cili kishte akses në kamerat e sigurisë së ndërtesës, kontrolloi pamjet dhe u tmerrua kur zbuloi se 12-vjeçarja kishte hyrë në pallat me një grua të panjohur.
