Në Universitetin e Gjirokastrës “Eqrem Çabej” po zhvillohet ceremonia e nisjes akademik si çdo vit tjetër. Për herë të parë në auditorët e këtij universitete do të ulen 350 studentë, shifër kjo e njëjtë krahasuar me një vit më parë.
Universiteti i Gjirokastrës numëron në total 1500 studentë, numër ky shumë i ulët në raport me numrin e popullsisë. Degët më të preferuara prej studentëve janë ekonomiku , infermieria si dhe programet dy vjeçare. Ndryshe nga rrethet e tjera në Gjirokastër nuk do të zhvillohet protestë.
Ndërkohë në Elbasan situata paraqitet akoma më e zymtë. Faxweb mëson se janë 1138 studentë të regjistruar për herë të parë, ndërsa kuota të lira janë 1435 ose e shprehur në për qindje 55.7 %.
Mungesa e studentëve dhe kërkesa në rënie ka çuar në mbylljen e tre degëve në Elbasan. Ato janë Gazetaria, Gazetari-Anglisht dhe Ekonomia.
Ndërkohë rreth 10 degë të mësuesisë janë hapur me numër minimal studentësh. Si asnjëherë tjetër universiteti “Aleksandër Xhuvani” është bosh dhe këtë e dëshmojnë dhe vetë të rinjtë në intervistat e tyre. Ata thonë se rinia ka ikur jashtë.
