Ndahet nga jeta në moshën 63-vjeçare këngëtarja e muzikës R&B, Joyce Sims. Sipas “The Guardian”, Sims fitoi famë në fund të viteve 1980 kur kënga e saj “Come Into My Life”, arriti në top 10 në Shtetet e Bashkuara të Amerik dhe Mbretërinë e Bashkuar.
Hiti i saj i parë, All and All, u rendit në vendin e gjashtë në SHBA dhe në top 20 të klasifikimit të këngëve në Mbretërinë e Bashkuar.
Sims, nga Rochester në Nju Jork, kishte qenë në turne në Angli këtë verë dhe do të publikonte një album këtë vit.
Vdekja e saj u konfirmua në rrjetet sociale nga familjarët.
Debbie Sims Hall, një nga motrat e Sims, e përshkroi këngëtaren si “një shpirt të bukur brenda dhe jashtë” që “do na mungojë vërtet”.
Sims kishte dy fëmijë dhe jetonte me burrin e saj, Errol, në Nju Xhersi.
