Një varrezë masive me 400 varre është zbuluar së fundmi nga ushtria ukrainase në Izmir. Zbulimi vjen 6 muaj pasi zmbrapsjes së forcave ruse dhe çlirimit të tij nga ushtria ukrainase.
Shumica e banorëve atje u varrosën, në më shumë se 400 varre me pak shenja identifikuese përveç numrit të vendosur në kryq. Muaj më vonë, pas çlirimit të Izium, Dmytro Lubinets, Komisioneri i të Drejtave të Njeriut të Parlamentit ukrainas qëndroi përballë rrënojave dhe e cilësoi sulmin “një gjenocid për kombin ukrainas”.
Si ndodhi sulmi që vrau një familje të tërë?
Mykhailo Yatsentiuk la bodrumin për të bërë çaj për mbesën e tij kur bomba shpërtheu. Kur erdhi në vete, një orë më vonë një pjesë e mirë e apartamentit të tij ishte shkatërruar. Bodrumi ku ishte strehuar së bashku me familjen e tij dhe fqinjët u përfshi nga flakët, shkruan CNN.
Qeveria e Ukrainës tha se 54 persona humbën në kompleksin e apartamenteve në rrugën Pershotravneva në Izmium, Ukrainën lindore më 9 mars, shumica e banorëve të godinës. E gjithë familja u vra në sulm. Fati i tyre mbetej i panjohur deri pak javë më parë kur forcat ukrainase ndërmorën një kundërsulm në Izium pas gjashtë muaj pushtim, duke zbuluar një varrezë masive në qytet. Gjithçka që mbeti nga blloku i apartamenteve ishin dy kulla dhe një grumbull gërmadhash në mes. Banorët vendas u shprehen se pas sulmit, forcat ruse sulmuan ndërtesën me tanke. Pas tymit, muret, tavanet u shkatërruan duke lënë shumë njerëz të vdekur dhe të varrosur në bodrume.
Yatsentiuk humbi shtatë anëtarë të familjes së tij atë ditë, gruan e tij Natalia, hallën Zinaida, vajzën Olga Kravchenko dhe bashkëshortin e saj Vitaly Kravchenko, djalin e tyre Dima që ishte 15 vjeç, Oleksii që ishte 10 vjeç dhe 3-vjeçarët, Arishka dhe Yatsentiuk.
Shumica e varreve në varrin masiv janë shënuar me kryqe të thjeshta prej druri, disa kanë lule ose kurora të vendosura mbi to.
Varret e familjes Stolpakova ishin disa nga të paktat me emra dhe data të lindjes dhe vdekjes të shkruara në to. Varri i Liubov Petrovës është shënuar vetëm me numrin 283. Të tjerët mund të mbeten anonim përgjithmonë. Yatsentiuk u largua nga Izium pasi varrosi familjen e tij në prill.
