Eksperti i sigurisë Ilir Kulla ka folur në lidhje me sulmin kibernetik që ra preh Shqipria pak muaj më parë.
Ai u shpreh se të dhënat personale nuk janë të sigurta. Ai shtoi se mbrojtja kibernetike për një vend anëtar i NATO-s duhet të jetë prioritet dhe se reagimi duhet të jetë në raport me kërcënimin.
“Sulmi kibernetk është një krizë në institucione, në pritshmërinë që ka publiku në raport me ruajtjen e të dhënave. Cënim i sigurisë kombëtare të vendit, i besueshmërisë ndërkombëtare të vendit, në raport me mënyrën se si ruhen të dhënat”, ka thënë Kulla.
Gjatë bisedës në studio, Kulla tha se sulmi kibernetik është cënim i sigurisë kombëtare dhe nëse masat nuk do të merren pritet që pasojat të jenë të tmerrshme,.
Ai theksoi se kjo çështje nuk zgjidhet pa investime.
“Në të gjithë këto kohë nuk kemi parë asnjë lloj përgjegjshmërie. Kur sheh që informacione policore dalin në media për shkak të hakerave, kupton që nuk vetëdije në raport me çështjen e të dhënave personale. AKSHI nuk ka pasur akses tek Banka e Shqipërisë, apo Sigurimet shoqërore, sepse ajo që ndodhi muaj më parë me ekspozimin e të dhënave është e tmerrshme. Çdonjeri që merret me punë të rëndësishme duhet ta ndjejë veten të pambrojtur. Qoftë nga AKSHI apo institucione të tjera nuk është mbajtur përgjegjësi. Mbrojtja kibernetik është një nga prioritetet dhe duhet të kuptojmë që investimet në këtë drejtim duhet të bëjnë dallim gjatë”, tha më tej Kulla, për “Kjo Javë”.
