Pesë persona, mes tyre dhe një oficer policie që ishte jashtë detyrës, raportohet se kanë vdekur nga të shtënat me armë zjarri mbrëmjen e së enjtes në Karolinën e Veriut, në SHBA.
Automjete të shumta policie dhe ambulanca kanë mbushur lagjen Hedingham duke filluar nga pasditja e vonë dhe oficerët qëndruan në vendngjarje për orë të tëra. Detajet e asaj që ndodhi mbetën të pakta. Policia ka arrestuar autorin, një i mitur.
Të shtënat u raportuan rreth orës 17:00 përgjatë lumit Neuse në Greenway në një zonë banimi në verilindje të qendrës së qytetit, tha kryebashkiaku i Raleigh, Mary-Ann Baldwin. Oficerët e agjencive të shumta të zbatimit të ligjit u mblodhën në zonë, duke mbyllur rrugët dhe duke paralajmëruar banorët të mos dilnin nga shtëpitë.
“Sonte, terrori ka arritur në pragun tonë. Makthi i çdo komuniteti ka ardhur në Raleigh. Ky është një akt i pakuptimtë i tmerrshëm dhe indinjues dhune që është kryer”, u tha gazetarëve guvernatori Roy Cooper.
