Një 17-vjeçar është vrarë pas të shtënave me armë zjarri, ndërsa dy persona të tjerë janë plagosur.
Ai është identifikuar si Danjel Hasula. Sakaq autor i ngjarjes dyshohet se është Besnik Mjeshtri.
Nga të dhënat paraprake dyshohet se një nga të plagosurit është babai i viktimës.
Pamjet nga vendi i ngjarjes tregojnë njerëz të shumtë në zonë dhe viktimën e mitur të mbuluar me batanije në trotuar.
Të plagosurit janë dërguar me urgjencë në spitalin e Burrelit.
Policia dhe ambulanca kanë mbërritur me vonesë në vendngjarje, ndërsa ende nuk dihen rrethanat e kësaj tragjedie.
