Sekretari i Përgjithshëm i Partisë së Lirisë, Tedi Blushi, ka komentuar investimet që qeveria e Rames bëri në shëtitoren këmbësore të Bulqizës me një shumë prej 820 mijë euro.
Por siç duket gjithçka është dëmtuar pasi pllakat me të cilat u ndërtua janë shkërmoqur prej ngricave.
Në një postim në Facebook duke ndarë foto nga ambientet e shëtitores Blushi shkruan se degradimi është i dukshëm për cilësinë e investimit dhe se paratë kanë përfunduar në xhepat e qeveritarëve!
Postimi i plotë i Tedi Blushit:
Sheshi qendror i Bulqizës është një nga “kryeveprat” e Rilindjes urbane ku shtatë vite më parë u investuan 820 mijë euro.
Degradimi flet më qartë se çdo gjë tjetër për cilësinë e investimit dhe se në xhepat e kujt kanë përfunduar paratë!
Ja çfarë do të thotë pushtet vendor 100% në duart e “Rilindjes”. Koha për llogaridhënie po afron!
