Autoritetet në disa qytete të Ukrainës po raportojnë për sulme me raketa këtë të hënë. Prej orëëve të para të mëngjesit, kryeqyteti Kiev dhe disa nga qytetet kryesore të vendit kanë qenë nën breshërinë e raketave ruse.
Në Dnipropetrovsk, kreu i administratës ushtarake rajonale Valentyn Reznichenko, tha se kishte pasur një “sulm masiv me raketa në rajon. Ka të vdekur dhe të plagosur”. Ai u bëri thirrje banorëve të mos dalin nga bunkerët. “Mos dilni nga bunkerët. Ekziston ende një kërcënim për sulme me raketa.”
Po ashtu, Autoritetet në verilindje të Kharkiv raportuan gjithashtu sulme. Oleh Syniehubov, kreu i administratës ushtarake të Kharkiv, tha se kishte shpërthime në qytet. Kryetari i bashkisë Ihor Terekhov tha se “raportet fillestare tregojnë tre sulme në Kharkiv”.
“Ndikimi ishte në një objekt të infrastrukturës energjetike. Disa zona të qytetit humbën energjinë, nuk ka furnizim me ujë”, tha ai.
Në jug, Vitalii Kim, kreu i administratës ushtarake civile të rajonit Mykolaiv, tha se bombarduesit Tu-95 kishin nisur valë sulmesh me raketa, me 47 “predha” të shkrepura. Mbrojtja ajrore kishte rrëzuar tre raketa, tha ai. Rusët po përdornin gjithashtu dronë sulmues të prodhuar nga Irani.
“Frikacakët po godasin infrastrukturën kritike (në të gjithë Ukrainën)”, tha Kim.
Shpërthime u raportuan gjithashtu herët të hënën në qytetin perëndimor të Lviv dhe kryeqytetin, Kiev, ku të paktën pesë persona u vranë. Viktima u raportuan gjithashtu në qytetin juglindor të Zaporizhzhia pasi një sulm me raketa ruse shkatërroi një bllok apartamentesh.
