Ish-kryeministri Sali Berisha i është përgjigjur deklaratës së kreut të grupit parlamentar të PD-së, Enkelejd Alibeaj, i cili tha sot gjatë një interviste televizive se “e vetmja PD zyrtare” është ajo që ai drejton.
Berisha e quajti këtë si tentativë të kryeministrit Edi Rama për të ndaluar ardhjen e opozitës në pushtet, duke shtuar se “do dështojë në mënyrë të plotë”.
I pyetur nga gazetarët gjatë një konference për media në Gjirokastër, Berisha u përgjigj shkurt:
“Çdo përpjekje e Edi Ramës për të parandaluar fitoren e opozitës dhe rikthimin e saj në pushtet, do dështojë në mënyrën më të plotë”.
