Një antër i PS u shpreh gjatë takimit të Berishës me demokreatët në Memaliaj se, vendi është në mjerim, i kapur nga kusarë. Ai tha se, vetëm Sali Berisha e sjell PD në pushtet.
“Jam Agim Kaçi socialist 24 karat, por socialist, jo hajdut. Edi Rama na u bë peshqesh nga Fatos Nano. Ishte mirë atje ku ishte, punonte nga ato kanalet.
Jetojmë keq. Këtu rinia mbahet nga pensionistët.
Më thotë djali më jep 1 mijë lek të pi një kafe, ku t’ja gjej babai?
Ka rënë Shqipëria në dorë të Erisës dhe të Taulantit.
Bashkia është përtokë fare. Ka mbledhur 30-40 gra kot vërtiten. Erdhi më tha dua votën, ç’e do votën time i thashë.
Ke bërë gabimin më të madh që ke mbajtur gjarpërinjtë nën sqetull. Mos i thuaj Alibeaj atij, i thuaj Alibujku. Ku ka qafë ai të drejtojë Partinë Demokratike. Nëse Partia Demokratike do të vijë pushtet, vetëm ti e sjell. Vetëm Sali Berisha.
Shqipëria është katandisur keq. Ke shumë punë me këta kusarë. Se ky na ka vënë një taksë tani, gjynah t’ja zësh emrin në gojë. Memaliaj është në mjerim të plotë. Partinë e sjell vetëm ti në pushtet, as Alibujku e asnjë tjetër”, u shpreh ai.
