Një ngjarje e rëndë ka ndodhur në një qendër parashkollore për fëmijë në Tajlandë. Një ish-oficer policie hapi zjarr, duke lënë të vdekur të paktën 31 persona, mes tyre dhe fëmijë.
Personi i armatosur është ende i lirë pas sulmit në Nong Bua Lamphu, në veri-lindje të vendit.
Sipas Policisë sulmuesi Panya Khamrab, 34 vjeç, qëlloi dhe goditi me thikë fëmijë dhe të rritur dhe tani ndodhet në arrati, ndërsa motivi i sulmit është i paqartë. Autoritetet po punojnë për kapjen dhe arrestimin e autorit.
Hetuesit thanë se oficeri ishte shkarkuar së fundmi, ndërsa shtojnë se ai u pa për herë të fundit duke ngarë një kamion të bardhë Toyota me katër dyer, me targa regjistrimi të Bangkok.
