Bujar Çela, deputeti i PS në Lushnje, në një dalje publike në Fax News ka folur për zhvillimet brenda PS dhe ristrukturimin me të deleguarit që bëri kryesia e partisë.
Për degën e PS në Shkodër, ku në krye të të deleguarve u vendos Elisa Spiropali, deputeti socialist argumentoi se ishte një lëvizje e imponuar.
“Edona Bilali është bërë nënë, ka një fëmijë të vogël. Kështu e uroj ti rrojë djali e do ketë kohë tani të merret më gjatë me djalin, se ka kohë për tu marrë me partinë. Sa i përket Vlorës, mendoj se dy figurat si Ben Ahmetaj dhe Blendi Klosi janë funksionarë të konsoliduar të PS. Edi Rama do ta ketë menduar gjatë këtë punë dhe kjo është në interes të partisë”, tha Çela.
Kujtojmë se javën e kaluar, Kryesia e PS ndërmori disa vendime që kishin të bënin me ndezjen e motorëve të kësaj force politike për tu përgatitur për zgjedhjet e ardhshme vendore të 2023.
