Një magazinë është përfshirë nga flakët në Petrushë të Pogradecit. Sipas informacioneve paraprake mësohet se rreth orës 06:30 të mëngjesit të sotëm zjarri ka rënë në fabrikë.
Menjëherë në vendngjarje shkuan dy zjarrfikëse nga Pogradeci dhe një nga Maliqi për nëutralizimin e flakëve.
Bëhet fjalë për një magazinë të grumbullimit frigoriferik, që ndodhet afër nënstacionit elektrik, që nuk u rrezikua falë ndërhyrjes së shpejtë. Fatmirësisht nga zjarri nuk ka të lënduar, por dëmet materiale janë të shumta.
Njoftimi i policisë:
Pogradec/Informacion paraprak
Më datë 05.10.2022, rreth orës 06:30, në hyrje të fshatit Petrushë, Pogradec, ka rënë zjarr dhe është djegur plotësisht një magazinë frigoriferike në pronësi të shtetasit H. H. Si pasojë e zjarrit nuk ka dëme në njerëz, por vetëm dëme materiale.
Grupi hetimor po punon për sqarimin e rrethanave dhe përcaktimin e shkaqeve të rënies së zjarrit.
