Në mbledhjen e sotme të qeverisë sa i takon bilancit të sezonit turistik që lamë pas, kryeministri Edi Rama u bëri edhe njëherë thirrje të rinjve që largohen sidomos nga Kukësi drejt Anglisë se ato 30 mijë paundët që do të shpenzojnë për rrugën ti investojnë duke ndërtuar ekonominë e tyre në Kukës.
“Të gjithë ata që paguajnë mbi 30 mijë paund për të marrë ato rrugët e frikshme të emigracionit klandestin duke ia lënë të gjitha kursmet në dorë trafikantëve në kërkim të një parajse që nuk kanë për ta gjetur në Angli, mund të bëjnë ekonominë e tyre në Kukës.
Këtë nuk e them bazuar në një ëndërr që kam parë me sy mbyllur, por me realitetin e shumë agroturizmave që kam parë.
Edhe ata që kanë kthyer shtëpinë e gjyshërve në agroturizëm, fitojnë shumë më shumë se ata në të bardhë e të zezë në Angli”, tha Rama.
