Marrëveshja e qeverisë britanike me Shqipërinë për “kthim të menjëhershëm” për të deportuar emigrantët që hyjnë nëpërmjet kanalit brenda disa ditësh duket se ka hyrë në dyshim pasi ka dalë në dritë se ata që mund të kërkojnë azil do të përjashtohen prej kthimit të menjërshëm, shkruan The Times në numrin e sotëm.
Avokatët e qeverisë kanë pranuar humbjen në një sfidë ligjore kundër marrëveshjes, duke pranuar në një letër paraprake se shqiptarët që kanë aplikuar azil në momentin e mbërritjes janë të përjashtuar nga dëbimi.
9 në 10 shqiptarë që mbërrijnë me barka të vogla janë duke kërkuar azil. Kjo do të thotë se marrëveshja e firmosur me qeverinë shqiptare muajin e kaluar për kthim të shpejtë të tyre do të aplikohet vetëm për pak persona që kalojnë kanalin me barka të vogla.
Njerëzit që nuk përfitojnë janë minoritet, ata që nuk e dinë këtë procedurë dhe nuk e kërkojnë azilin në hyrje, shkruan The Times.
Një vendim i tillë duket se ka shkaktuar zemërim në Britani. Kelvin MacKenzie, një prej editorëve më të suksesshëm të The Sun në një tëitter shkruan një fakt i tillë është i papranueshëm.
“Nga Times mësova se marrëveshja e shumëparlajmëruar për kthim të shpejtë me Shqipërinë për të deportuar emigrantët e kanalit ka dështuar, pasi avokatët e qeverisë kanë pranuar se ata mund të qëndrojnë duke kërkuar azil. Jam shumë e mërzitur. A ka ndonjë qeveri (çdo qeveri) që mund ti dëbojë këta njerëz” shkruan ai në rrjetet sociale.
