Një makinë është djegur gjatë orëve të natës në Bilisht.
Bëhet me dije se makina që është djegur është në pronësi të Deizi Arapit. Sipas burimeve të mediave raportohet se mjeti është shkrumbuar plotësisht.
Kjo është hera e dytë që i djegin makinën. Në vitin 2018-të Deizi Arapit i kanë djegur makinën tip “Smart” dhe dyshohej se bëhej fjalë për hakmarrje mes vajzave.
Gjithashtu “gangsterja” Dezi dhe motra e saj Xhesi Arapi, përkatësisht 27 dhe 23 vjeçe, u arrestuan në datën 23 gusht në Bilisht. Në mënyrë të vazhdueshme ato prishnin qetësinë publike.
Dy motrat “gangstere” lëviznin me makinë nëpër qytet të dehuar dhe shanin e fyenin qytetarët. Madje gjatë arrestimit ato kundërshtuan edhe efektivët e policisë, duke i sharë dhe goditur ata. Pas arrestimit ata u lanë të lira në “detyrim paraqitje”.
