Ish-ministri i Mbrojtjes Fatmir Mediu, pa praninë e një avokati, mëngjesin e sotëm u paraqit pranë ambienteve të SPAK, ku u mor në pyetje në lidhje me aferën e privatizimit të ish-kompleksit “Partizani”.
Ndërkohë, në një prononcim të shkurtër për mediat, Mediu jashtë ambienteve të Prokurorisë së Posaçme. tha se është thirrur si deklarues për një hetim që është interes i SPAK, duke mos dhënë detaje për dëshminë e tij.
“U ftova për të dhënë një dëshmi si person që kam dijeni për një hetim që është interesi i SPAK, do ruaj konfidencën e dëshmisë. Jam thirrur si deklarues’, u shpreh Mediu.
Mediu u thirr në SPAK me kërkesë të prokurorisë Enkeleida Milonai, e cila ka në hetim aferën e privatizimit të ish-kompleksit të klubit sportiv “Partizani”, në pronësi të ministrisë së Mbrojtjes.
Ishte kreu i grupit parlamentar të PS-së, Taulant Balla ai i cili më 2020 bëri kallëzimin në SPAK për këtë çështje.
