Sali Berisha ka akuzuar Prokurorinë se nuk del të përgënjeshtrojë lajmin për zhdukjen e biznesmenit të lojërave të fatit, Ervis Martinaj. Në një deklaratë për mediat, në mbledhjen e grupit parlamentar të PD, ai tha se ka zëra se organi akuzës mban trupin e 40 vjeçarit.
“Po prokuroria, më thoni pak. Ça prokurorie është kjo, për të cilën thuhet se mban një kufomë të ndarë në 6 copa dhe nuk bën përgënjeshtrim. Është e kontrolluar nga Rama”, u shpreh ndër të tjera Sali Berisha.
Kujtojmë se, rreth një muaj më parë një media online në vend publikoi një lajm, duke pretenduar se trupi i biznesmenit Ervis Martinaj, njëherësh person i shumëkërkuar nga SPAK, është parë i ndarë në gjashtë copa.
“Ia morën lojërat e fatit Ervis Martinit dhe tani thotë ku është. E di vetë ai ku është. Ai ishte biznesmen i lojërave të fatit. Olsi Rama është përfolur si njeriu në hije i lojërave të fatit. Do i them dhe një fjalë. Shko e pyet Baton Stanishiçin dhe Ymer Çorapen se ata e dinë. A nuk shkruajtën ata se është në gjashtë copa në prokurori.
Një njeri i zhdukur dhe një shtet bandit që thotë se është në 6 copa në Prokurori. Do thoni ju nuk e tha Fuga, por e thanë Fugat e tij më të afërta. A nuk ishte Baton Stanishiqi që tha se Linda ishte kandidate për presidente. Dhe ky shkruan në 6 pjesë. Po prokuroria, më thoni pak. Ça prokurorie është kjo, për të cilën thuhet se mban një kufomë të ndarë në 6 copa dhe nuk bën përgënjeshtrim. Është e kontrolluar nga Rama.
Po njeriu, çfarëdo që i ka ndodhur, nuk trajtohet në këtë mënyrë. Nëse është në gjashtë copa, familja njoftohet. Ky thotë po e gjejmë po s’kemi prova. Po ça prova mo, ti i ke nxjerr me Batonin dhe Ymerin, dy më të besuarit pas Fugës”, u shpreh Sali Berisha.
