Kryetari i partisë së Lirisë, Ilir Meta ka shpërndarë një postim në kuadër të ditës ndërkombëtare të Paqes, ku ka nderuar personalitetet të cilët jetën e tyre e dedikuan për shuarjen e konflikteve.
Ndërsa shtoi se nëse vendi ynë do të ishte edhe më demokratik, do të jepte një kontribut të shtuar për paqen në rajon dhe më gjerë.
Postimi i Plotë:
21 Shtatori – Dita Ndërkombëtare e Paqes 
Kjo ditë e shënuar këtë vit merr një rëndësi edhe më të madhe, pasi paqja dhe stabiliteti u cënuan rëndë si rezultat i agresionit rus në Ukrainë.
Nderim dhe respekt për të gjithë ata personalitete, të cilët jetën dhe përpjekjet e tyre ja dedikuan shuarjes së konflikteve dhe luftërave të përgjakshme për të rivendosur paqen dhe për ta bërë botën një vend më të mirë dhe më të sigurtë për brezat e së ardhmes.
Krenar për rolin ndër vite dhe në mënyrë të pandërprerë që Shqipëria ka luajtur në drejtim të ndërtimit të paqes dhe ruajtjes së stabilitetit në rajon e më gjerë.
Një Shqipëri më demokratike dhe e begatë do të jetë një kontribut i shtuar për paqen.
