Iva Grillo, e ftuar në A Show me Adi Krastën në SYRI TV, ka folur për situatën politike në vend dhe veçanërisht për aktivitetin propagandistik të kryebashkiakut Erion Veliaj.
Aktivistja Grillo është ndalur te propaganda e shfrenuar e Veliajt, ku sipas saj kjo bëhet për të intimuduar jo vetëm elektoratin opozitar por edhe drejtësinë.
Grillo ka theksuar se ambasadorja e ShBA Yuri Kim po sillet si bodyguard i Veliajt, duke sjellë stepjen e drejtësisë për të vepruar kundrejt tij.
Unë mendoj se njerëzit e njohin punën dhe produktin e këtij personi por kemi të bëjmë me një shoqëri që o është e intimiduar me kafshatën e gojës ose për shkak të një propagande që është goditëse dhe në mënyrë të vazhdueshme.
Fytyra e vërtetë e kryetarit të bashkisë është qendra e Tiranës me ato katrahurat e mëdha urbane që janë bërë, është teatri i rrëzuar në orën 4 të mëngjesit, është liqeni artificial që është kthyer kantier ndërtimi është gjithashtu edhe ato rregjistrimet që dalin dhe tregojnë fytyrën e vërtetë të kryetarit të bashkisë së Tiranës me ato fjalë aspak të hijshme për një person të çdo lloj kalibri dhe jo më për një peson publik.
Kryetari i Bashkisë së Tiranës është jashtëzakonisht i lexueshëm mendoj unë për çdo njeri që është i sinqertë me veten.
Kjo propagandë që është kaq intensive nuk është vetëm për të rritur vlerën e kryetarit të bashkisë por është në rradhë të parë për të intimiduar jo vetëm elektoratin opozitar por edhe për intimiduar drejtësinë.
Pashë një foto ku ambasadorja e ShBA po sillet si një bodyguard i zotit Veliaj. Në çdo vend që është ai ajo i qëndron pranë. A ka mundësi që një drejtësi e lirë dhe në të njëjtën kohë kjo zonjë e viziton saherë ka mundësi për tu siguruar që po punon si duhet, të godasi një person që është në mbrojtje të kësaj zonje?
