Ditën e sotme janë bërë publike nga hakerat, e-mailet personale të ish-drejtorit të përgjithshëm të policisë, Gledis Nano.
Mes dokumenteve të publikuara nga hakerat që janë marrë nga e-maili personal i ish-drejtorit të përgjithshëm të policisë, është dhe një informacion sekret në lidhje me një sulm të mundshëm ndaj ambasadës shqiptare në Athinë.
Në këtë informacion të klasifikuar si tepër sekret për një periudhë 15-vjeçare, drejtoria e policisë së shtetit dhe pikërisht njësia e antiterrorit i dërgon një letër zyrës për çështjet rajonale në ambasadën e SHBA-së ku njoftohet se ka marrë të dhëna për sulmin e mundshëm ndaj selisë diplomatike në kryqytetin grek.
Në dokument shfaqen emrat e 4 personave (të paidentifikuar) që sipas të dhënave po organizonin sulmin me lëndë eksplozive në prill të vitit 2021.
