Sali Berisha është i bindur se Edi Rama nuk largohet me votë. Ish-kryeministri, i cili tani drejton Partinë Demokratike deklaroi nga Shijaku se Rama ikën vetëm me një kryengritje të fuqishme popullore.
Këtë deklaratë, Berisha e bëri teksa një nga qytetarët e pranishëm i kërkoi t’i tregonte planin e qartë për largimin e Ramës. Sipas, Berishës vetëm kjo lëvizje popullore mund ta rrëzojë kreun e qeverisë dhe paralajmëroi se askush nuk do të guxojë të prekë votën e lirë.
“Edi Ram absolutisht rrëzohet. Çfarë duhet të bëjmë? Më pyete si do rrëzohet. Nëse në 7 korrik ne arritëm në një stacion shumë të rëndësishëm. Ne duhet të bëjmë gjithçka që të bindim sa më shumë qytetarë të këtij vendi me parti dhe pa parti, socialistë apo të bindjeve të tjera se ky është një fatkeqësi kombëtare. Ka një rëndësi. Edi Rama me votë nuk ikën. Edi Rama duhet të rrëzohet me një lëvizje të fuqishme popullore, me një kryengritje paqësore.
Edi Rama duhet të marrë një mesazh që ne kemi qëllim absolut votën e lirë. Ai që do të guxojë të prekë votën do të prekë të zezën e vet.
Ka plot njerëz që thonë se duhet të dialogojnë. Ne duhet ta kemi shumë të qartë se një pjesë e madhe e votojnë nga frika. Kur tu nxjerrim ne frikën njerëzve ju garantoj se mbështetja e tij nuk do të jetë sa ajo që ka pasur PPSH në vitin 1992.\kërkoj të organizojmë një lëvizje të fuqishme shumë planëshe të vrasim frikën në cdo qoshe të këtij vendi, për të vendosur votën e lirë në Shqipëri. Nuk ka diktaturë dhe pushtet që mund ti rezistojë një lëvizje popullore”, tha Berisha.
