Detaje të reja janë zbuluar nga arrestimi i dy shqiptarëve të rrezikshëm në Athinë, në makinën e të cilëve u gjetën 2 kallashnikovë me 2 krehëra si dhe 90 fishekë.
Gjatë kontrollit policor, mësohet se atyre u janë gjetur dhe dy bileta që i përkasin qytetit grek të Igumenicës, në kufi me Shqipërinë.
Dy shqiptarët janë shprehur për policinë se në momentin e parë ishin për xhiro në Skaramanga, afër vendit ku u kapën. Mësohet se një prej tyre ka dalë vitin e shkuar në qershor nga burgu ku iste dënuar për grabitje, ndërkohe tjetri ishte arrestuar më parë për vjedhje. Mediat greke kanë arritur të sigurojnë dhe fotot e dy armëve të sekuestruara.
