Shkarkohet nga detyra drejtori i Doganës Fier Arlin Lagji. Ai akuzohet se ka kërcënuar me jetë qytetarin Algert Belulaj.
Lagji është shkarkuar pasi aktualisht po vijojnë hetimet për rastin.
Ditë më parë, u bë publik lajmi për dhunën që drejtori i doganës së Fierit, Arlind Lagji ka ushtruar ndaj qytetarit, Algert Belulaj. Ky i fundit në një prononcim për Fax News ka rrëfyer se çdo gjë kishte nisur pasi kishte zbuluar tradhëtinë e ish gruas së tij.
Pasi kishte kërkuar llogari ish bashkëshortes për tradhëtinë e saj me shefin e doganës së Fierit, Belulaj zbulon se ndaj tij ishte bërë një denoncim dhe se ish gruaja kishte kërkuar urdhër-mbrojtje.
Dhuna fizike ndaj denoncuesit është ushtruar në momentin kur Belulaj ka parë gruan e tij në makinë me drejtorin e doganës së Fierit. Ai shtoi se ka qenë Lagji ai i cili e kishte futur në kurth duke e thirrur për kafe dhe më pas e kishte dhunuar, duke e kërcënuar në mënyra të ndryshme.
