Eksperti i ekonomisë, Pano Soko, ka kritikuar paketën e ndihmës të akorduar nga qeveria për pensionistet dhe disa kategori në vendin tonë, ndërsa tha se po i vihet laku në fyt qeverisë.
I ftuar në emisionin ‘Open’ në ‘News24’, Soko tha se minimalisht qeveria duhet të vepronte si në Kosovë, që edhe pse ka më pak buxhet se Shqipëria, dha më shumë për qytetarët.
“Të jap ty ndihmë për të kaluar situatën, nga lekët e mia. Nëse ti marr ty, ato që të marr ty dhe ta jap prapë, por ta kam shtrënguar lakun.. Dashi përmendi ato opsionet e veta, problemi kryesor që kemi në sot, ato para, nuk janë ndihmë, ia ka marrë qytetarit, me TVSH që është rritur. Një pjesë e parave dalin nga ekonomia, këto lekë i mungojnë konsumit sot. Kosova ka dhënë dy paketa. Në prill dha 100 mln euro, sot 150 mln euro. Pse ka dhënë aq? Kosova e ka buxhetin 2.4 mld euro, ne e kemi 3.5 mld euro. Ne kemi më shumë. Ata kanë dhënë dy herë më shumë ndihmë, ne dy herë më pak. Ai është korrektim ekonomik, rasti në Kosovë. Ideja është që këto para që i janë marrë qytetarit, do duhet të ktheheshin. Qeveria atëherë le të rregullonte shpenzimet e veta. Sot është 575 mld buxheti i rishikuar. Pra 700 mln më sipër që kanë ardhur si pasojë e rritjes së çmimeve. Çështja është pse nuk jua kthen të gjitha paratë qytetarëve? Një pjesë ia dhe atyre që kanë marrë tenderat. Një pjesë të mirë e ka mbajtur në buxhet. Nëse do të duhet ta quajmë si paketë ndihme, ta bëjmë si Kosova. Të gjitha paratë që mori, i futi në ekonomi. Këtu nuk ndodh. 5 mijë lekë të vjetra iu rritet pensioni atyre në fshat. Kjo është tallje, 3500 lekë në muaj, është ulje.”, tha Soko.
