Nuk mund të shkonte më keq se kaq për Chelsean kjo mbrëmje. Blutë e Londrës e filluan keq Champions League, teksa në Kroaci ndaj Dinamos së Zagrebit pësuan humbje 1-0.
Vendasit gjetën rrugën e rrjetës shumë shpejt, që në minutën e 13-të me Orsic. Ekipi i Tuchel u përpoq që të reagonte, por kundërshtari ishte vendosur mirë në prapavijë.
Në pjesën e dytë, Chelsea rriti presionin, por më kot. Trajneri Tomas Tuchel aktivizoi Armando Brojën në minutën e 60-të, për të bërë debutimin në këtë kompeticion. Sulmuesi kuqezi i dha cilësoi ofensivën se mysafirëve, por pa mundur dot të ndryshojë fatet e takimit.
Dortmund bëri detyrën ndaj Copenhagen, me verdhezinjtë që triumfuan 3-0. Goli i parë për gjermanët erdhi në minutën e 34-të nga i zakonshmi Reus, sakaq i dyti mban firmën e Guerrerio. Në pjesën e dytë, “tundi rrjetën” dhe Belingham.
