Një ngjarje e rëndë ka ndodhur në fshatin Ndërfushas, njësia Administrative Martanesh në Bulqizë.
Një shtetas 54-vjeçar me inicialet A.B, është rrëzuar në mal nga një shkëmb. 54-vjeçari është paraqitur në spitalin e Bulqizës në gjendje të rëndë, por për shkak të gjendjes së rëndë të tij është parë e domosdoshme që të dërgohet me helikopter drejt spitalit të Traumës në Tiranë për ndihmë më të specializuar.
Ende nuk ka asnjë njoftim zyrtar nga policia dhe gjendja aktuale e 54-vjeçarit.
