Të gjithë flamujt në Berlin do të valojnë në gjysmështizë në ditën e funeralit të Mikhail Gorbaçovit, pasi lideri i fundit i Bashkimit Sovjetik u nda nga jeta në moshën 91-vjeçare.
Sipas Agence France-Presse, ministrja e Brendshme, Iris Sprange, tha se do t’i kushtonin nderimin e duhur qytetarit të nderit të Berlinit.
Vihet re se politikanët nga të gjitha partitë gjermane shprehën mirënjohjen e tyre për ish-liderin sovjetik, ndërsa disa kërkuan që emri i Gorbaçovit të vendoset në një rrugë apo shesh në Berlin.
Kreu i Unionit Kristian Social të Bavarisë (CSU) dhe kryeministri i shtetit Markus Zender bëri thirrje për mbajtjen e një ceremonie si nderim për të ndjerin. “Gjermania i detyrohet shumë, ai është një nga baballarët e ribashkimit dhe u ofroi lirinë miliona njerëzve”, tha ai.
Mikhail Gorbaçov u nda nga jeta në moshën 91-vjeçare. Ai kujtohet për moslejimin e përfundimit në gjakderdhje të Luftës së Ftohtë si dhe heqjen e perdes së hekurt, që solli në fund edhe bashkimin e dy Gjermanive.
