Dy trupa të pajetë janë nxjerrë nga deti në Greqi, pasi u pikasën nga kapiteni i një jahti që njoftoi autoritetet e vendit fqinj.
Tashmë kanë dalë detaje të reja lidhur me ngjarjen e rëndë. Sipas mediave greke, trupat e pajetë të gjetur në Koufonisia mund t’i përkasin dy emigrantëve nga mbytja e një varke pranë Folegandros në vitin 2021.
Në atë kohë, nga operacioni u shpëtuan 12 emigrantë, ndërsa në gomonen e përmbysur dyshohet se ndodheshin 32 emigrantë nga vendet e Lindjes së Mesme që synonin të arrinin në Europë.
Policia greke thotë se trupat u gjetën të mbështjellë me qese, por ishte kapiteni i jahtit që njofti autoritetet. Kjo do të thotë se dikush tjetër mund t’i ketë gjetur para tij, dhe i ka lënë buzë detit pasi nuk ka dashur të përfshihet në ngjarje.
