Një grup të rejash britanike janë goditur dhunshëm dhe më pas janë hedhur në tokë nga truprojet e një bari në Marbella, Spanjë.
Sipas Dailymail pak para se të filmoheshin skenat e dhunshme jashtë klubit vajzat po qëndronin në një lokal nate shumë i famshë ‘Lemmon’ dhe po debatonin me personelin e sigurisë.
Një dëshmitar i cituar nga gazeta britanike shprehet se vajzat ishin përjashtuar nga klubi dhe kohë më parë për shkak të sjelljes së tyre, por kjo gjë nuk është konfirmuar.
Cilido qoftë shkaku gjërat u përkeqësuan aq shpejt sa në video shihen një nga truprojet e lokalit duke shtyrë një vajzë me fustan rozë dhe më pas një tjetër.
Më vonë vajza me fustan rozë shtyhet përsëri dhe bie në tokë ndërsa vajza tjetër sipas medies britanike është qëlluar me shuplakë.
Disa nga femrat vazhduan më pas në hyrje të klubit për të kërkuar arsyen e kësaj sjelljeje të papranueshme, por një nga truprojet hoqi rrypin e sigurisë dhe i përplasi ato në një shtyllë metalike duke i kërcënuar se nëse nuk largoheshin ato do t’i rrihnin.
Më në fund grupi i vajzave largohet për të mos tensionuar më tej situatën.
