Rusia ka akuzuar shërbimet speciale ukrainase për vrasjen e vajzës së një prej aleatëve të Vladimir Putinit. Gazetarja Darya Dugina, 29 vjeçe, vdiq të shtunën kur një automjet që ajo po drejtonte shpërtheu pranë kryeqytetit të Rusisë.
Babai i saj i shquar si ultra-nacionalist, Alexander Dugin, që thuhet se ishte i afërt me Putinin, mund të ketë qenë objektivi i synuar i sulmit. Nga ana e tyre, zyrtarët ukrainas kanë mohuar çdo përfshirje në shpërthimin me bombë të makinës ku ndodhej 29 vjeçarja.
Gruaja, mori me qira një apartament në të njëjtën ndërtesë me zonja Dugina për një muaj, duke u përgatitur për sulmin, ka thënë shërbimi rus i sigurisë. Në atë kohë, ajo dyshohet se e ndoqi gazetaren rrugëve të Moskës me një Mini Cooper – për të cilin përdori tre targa të ndryshme.
E dyshuara më pas u arratis në Estoni, tha FSB. Këshilltari i presidentit të Ukrainës Zelensky, Mykhailo Podolyak, tha se versioni i ngjarjeve të FSB-së ishte “propagandë ruse” nga “një botë imagjinare”.
Zonja Dugina dhe babai i saj po ndiqnin një festival pranë Moskës të shtunën në mbrëmje, ku z. Dugin, një filozof, dha një leksion. Thuhet se ata do të largoheshin me të njëjtën makinë, por ndryshuan planet në minutën e fundit. Bomba ishte vendosur poshtë Toyota Land Cruiser që po ngiste Zonja Dugina dhe shpërtheu para syve të babait të saj.
