Mbrëmë, lojtarët e PSG-së mundën 5-2 Montpellier në “Parc des Princes” dhe Kylian Mbappe ishte në qendër të vëmendjes për sjelljen e tij joprofesionale.
Kështu, Vitinha nisi një kundërsulm, teksa Lionel Messi vrapoi në të djathtë dhe Mbappe në të majtë.
Portugezi vendosi t’ia kalojë topin Messit, gjë që nuk i pëlqeu aspak Mbappes. Sulmuesi francez tundi menjëherë dorën dhe në shenjë proteste u ndal dhe u ktheu kurrizin shokëve të skuadrës dhe nuk donte të merrte pjesë në aksionin që për pak sa nuk përfundoi me gol.
Meqë ra fjala, Mbappe shënoi një gol në këtë ndeshje dhe humbi një penallti.
Në mesin e golashënuesve ishte edhe Renato Sanches, ndërsa heroi i parizienëve ishte Neymar, i cili realizoi hat-trick.
