Ministri turk i Mbrojtjes, Hulusi Akar, ka rritur edhe më shumë tensionet mes Greqisë dhe Turqisë, pak para nisjes së platformës së re të shpimit “ Abdul Hamid Khan ” në Mesdhe.
Duke folur në konferencën e ambasadorëve turq të mbajtur në Ankara, ai iu referua sërish ishullit Kastellorizos , duke theksuar se është 580 kilometra nga Greqia dhe vetëm 1950 metra nga Turqia, pra është në “distanca noti” dhe se do e marrin këtë ishull.
“Është në distancë noti nga nxënësit e shkollave tona ushtarake. Ata e keqkuptojnë atë që themi sepse atje notojnë studentët.
Një ditë më parë një ministër grek tha “nëse duan le të vijnë, nëse dinë të notojnë” dhe ne thamë “nëse do Zoti, një ditë mund të ndodhë edhe kjo”, theksoi Akar, duke iu referuar deklaratave të mëparshme të ministrit të Shëndetësisë greke, Nikos Panagiotopulos.
Më pas, ministri i Mbrojtjes i Turqisë foli për çmilitarizimin e ishujve të Egjeut. Konkretisht, ai vuri në dukje: “Kushtet e Traktatit të Lozanës janë të qarta në nenin 12 të Marrëveshjes së Parisit, paragrafi 18.
Ata thonë qartë se ishujt nuk mund të militarizohen. Ne, përkundër gjithë kësaj, jemi të duruar dhe themi “ejani bisedoni”.
“Grekëve u themi si vijon… Mos mendoni të luftoni me ne. Lufta është çështje numrash. Përpjekjet që po bëni (për armatim), edhe nëse bëhen realitet, janë të shumta për mbrojtjen tuaj, por për Turqinë janë të pakta”, tha ai.
Së fundi, ai iu referua edhe lundrimit aktual të “Abdul Hamid Khan” , duke e karakterizuar atë si “një zhvillim të ri të rëndësishëm në Mesdheun Lindor”.
Ai shtoi: “Deri më sot, Marina jonë ka shoqëruar dhe mbrojtur sizmografët tanë dhe pajisjet tona të shpimit”.
Përgjigja e Athinës
Përfaqësuesi i qeverisë, Yiannis Oikonomou , në përgjigje të një pyetjeje, tha se Greqia fillimisht po merret me lundrimin e platformës turke të shpimit, Abdul Hamid Khan, me vigjilencë dhe vëmendjen e nevojshme.
“Ne gjithmonë bëjmë atë që duhet bërë me maturi dhe vendosmëri për të siguruar paqen në rajon”, theksoi ai.
Ai gjithashtu i cilësoi deklaratat e Akarit për Kastelorizon si “ekzagjerime retorike dhe provokime ofertash, që nuk ka asgjë për të shtuar në marrëdhëniet greko-turke”.
“Gjithmonë përballë sfidave, retorike apo jo, qeveria ka treguar se është e pozicionuar me qetësi dhe vendosmëri”, nënvizoi ai, duke dhënë garancinë se “të drejtat kombëtare mbrohen absolutisht në bazë të traktateve ndërkombëtare dhe kapaciteteve tona parandaluese dhe janë kryesisht., bazuar në faktin se komuniteti global e di se Greqia është faktor stabiliteti dhe në anën e së drejtës ndërkombëtare”.
Ai i dërgoi një mesazh Turqisë, se Greqia nuk është e gatshme të bëjë një hap prapa për çështjet e sovranitetit të saj kombëtar dhe në përgjigje të “notarëve turq”, tha se “është një ide e mirë të kemi një luftë paqeje në det të hapur, me grekët dhe turqit. Është më mirë ta shikojmë çështjen në një mënyrë më të qetë dhe me theks në të drejtën ndërkombëtare për të mos krijuar vatra tensioni”.
