Edhe pse shumë nutricionistë kanë pohuar prej kohësh se mëngjesi është vakti më i rëndësishëm i ditës, ka nga ata që mendojnë se është më mirë ta anashkalojnë atë. Në të njëjtën kohë, njerëzit kanë justifikime të ndryshme pse nuk hanë menjëherë pasi zgjohen.
Shumë argumentojnë se nuk kanë kohë ndërsa të tjerë thjesht nuk kanë uri. Megjithatë, përfitimet e mëngjesit gjatë orës së parë të zgjimit janë të mëdha sipas studimeve të shumta. Hani mëngjes në orën e parë pas zgjimit dhe do të jeni më produktive.
Do të rregulloni nivelet e sheqerit dhe do të stimuloni metabolizmin
Ndërsa flini, metabolizmi juaj ngadalësohet natyrshëm sepse trupi ka më pak kërkesa. Me marrjen e mëngjesit gjatë orës së parë të zgjimit, ju i jepni metabolizmit një fillim të mbarë për të filluar termogjenezën, procesin metabolik të tretjes dhe transportin e ushqimit.
Hani ushqime më të shëndetshme gjatë gjithë ditës
Nëse nuk hani brenda një ore pas zgjimit, do të hani ushqime me pak lëndë ushqyese ose me kalori të lartë për shkak të urisë. Por nëse hani gjatë orës së parë pas zgjimit, do të zgjidhni ushqime më të shëndetshme gjatë ditës. Gjatë kësaj kohe, ju keni parandaluar ndjenjën e urisë që do të thotë se keni më pak gjasa të hani tepër gjatë pjesës tjetër të ditës.
Do të jeni në humor më të mirë, dhe truri juaj do të funksionojë si orë
Mëngjesi në orën e parë pas zgjimit përmirëson disponimin dhe funksionet njohëse. Disa kërkime tregojnë se ju përmirësoni menjëherë disponimin sepse e keni ushqyer trurin pasi zgjoheni. Dhe kjo çon në përmirësimin e kujtesës dhe aftësive njohëse.
