Një gjykatë në qytetin e Osakës vendosi të hënën se ndalimi i martesave të të njëjtit seks në Japoni nuk ishte antikushtetues, duke hedhur poshtë argumentet e bëra nga tre çifte të të njëjtit seks që ngritën padinë.
Gjykata hodhi poshtë gjithashtu kërkesën e paditësve për 1 milion jen (7,400 dollarë) si dëmshpërblim për secilën palë.
“Nga këndvështrimi i dinjitetit individual, mund të thuhet se është e nevojshme të realizohen përfitimet e njohjes publike të çifteve të të njëjtit seks përmes njohjes zyrtare.” – thuhet në vendimin e gjykatës.
Megjithatë, legjislacioni i tanishëm që njeh lidhjet vetëm midis një burri dhe një gruaje ‘nuk konsiderohet se shkel Kushtetutën’, shtoi gjykata, duke vënë në dukje se ‘debati publik se çfarë lloj sistemi është i përshtatshëm për këtë nuk është kryer plotësisht’. Kushtetuta e Japonisë përcakton se ‘martesa duhet të bëhet vetëm me pëlqimin reciprok të të dy gjinive’.
Gjykata japoneze vendos se ndalimi i martesave të homoseksualëve është ‘jokushtetues’ në vendimin historik. Paditësit kritikuan vendimin e gjykatës, duke shprehur frikën se vendimi do të ndërlikonte më tej jetën e çifteve të të njëjtit seks.
Ndërsa Japonia ka një qëndrim shumë më liberal ndaj homoseksualizmit sesa shumica e fqinjëve të saj aziatikë, ajo është ende larg asaj që ndodh në vendet perëndimore.
Çiftet e të njëjtit seks nuk mund të martohen ligjërisht, megjithëse disa bashki dhe prefektura lëshojnë certifikata simbolike të partneritetit të të njëjtit seks.
Certifikatat nuk ofrojnë ndonjë njohje ligjore, por ofrojnë disa përfitime, të tilla si sigurimi i të drejtave të vizitës në spital dhe ndihma për marrjen me qira të pronës./hashtag.al
