Ndëshkimi i çuditshëm me karton i Granit Xhakës kundër Leeds United dhjetorin e kaluar është objekt i një hetimi nga Agjencia Kombëtare e Krimit.
Federata e Futbollit konfirmoi në janar se ata po hetonin incidentin mes modeleve të dyshimta të basteve.
Xhaka u ndëshkua për humbje kohe gjatë asaj që ishte, në fund të fundit një fitore e drejtpërdrejtë 4-1 për Arsenalin në Elland Road kundër një skuadre të dobët të Leeds, të shkatërruar nga dëmtimet dhe pezullimet.
Çështja tani i është referuar agjencisë kryesore të krimit të organizuar në vend, megjithëse nuk ka asnjë sugjerim, sipas “Daily Mail”, se Xhaka ose ndonjë nga shokët e tij të Arsenalit janë fajtorë për ndonjë trukim.
Dyshimet u ngritën nga një bast prej afro 52,000 paund i vendosur gjatë ndeshjes ndaj Xhakës për t’u ndëshkuar në 10 minutat e fundit.
Industria e lojërave të fatit ka evoluar deri në masën ku lojtarët janë në gjendje të bastojnë mbi një sërë eventesh dhe mundësish brenda një ndeshjeje, në krye të tregjeve tradicionale të bazuara në rezultate.
