Një rrjet i trafikut të drogës që drejtohej nga dy shqiptarë është shkatërruar nga policia peruane ditën e djeshme.
7 peruanë u arrestuan dhe 2 shqiptarë u shpallën në kërkim pasi tentuan të trafikonin 2.2 ton drogë nga Peru në drejtim të Roterdamit.
Mediat vendase shkruajnë se gjatë operacionit janë sekuestruar 2.2 ton kokainë që dërgohej në rrugë detare në Holandë e fshehur në kanaçe asparagus. Në pranga janë vënë shtatë shtetas peruanë ndërkohë që janë shpallur në kërkim dy shqiptarët që drejtonin trafikun e drogës.
“Ne kemi sekuestruar 2 ton kokainë që ishte nisur drejt Holandës” tha në një deklaratë kreu i Drejtorisë së Anti Drogës në Peru nga porti i Callao.
“Kjo është një organizatë kriminale me lidhje në Kolumbi, Ekuador dhe Shqipëri. Ne po koordinohemi me autoritetet ndërkombëtare për të zbuluar vendndodhjen e dy shqiptarëve që kanë mbërritur në vendin tonë në koordinim me mafien shqiptare” u shpreh ai.
