Kryeministri Edi Rama shfaqet sërish kritik ndaj Kosovës të cilës i kërkon që të bashkohet në nismën Ballkani i Hapur.
Gjatë deklaratës për mediat në samitin e Ballkanit të Hapur që po mbahet në Ohër, Rama mori shembullin e marrëdhënies mes SHBA-së dhe Japonisë për të cilën tha se megjithëse dikur janë hedhur bomba atomike sot këto dy vende kanë lënë pas të shkuarën duke krijuar marrëdhënie të ngushtë mes tyre. Rama theksoi se të njëjtin shembull duhet të ndjekë Kosova me Serbinë dhe të hyrë në rrugën e dialogut.
“Ndërkohë që presidenti i Serbisë hoqi fjalimin e përgatitur unë po shkruaja disa fjalë jashtë fjalimit të përgatitur sepse ky është një rast për të folur për Ballkanin e Hapur si për Ballkanin e Hapur, nuk vijmë këtu të flasim siç kemi mësuar kur shkojmë në Bruksel. Duhet të flasim shumë hapur dhe ta fuqizojmë këtë karakteristikë të rajonit. Dua të kujtoj që ne sot mblidhemi për herë të parë pasi ka filluar lufta në Ukrainë dhe duhet tu them gjithëve që ndryshe nga sa mendojnë që lufta në Ukrainë e bën Ballkanin e Hapur domosdoshmëri më të madhe para kësaj lufte që i befasoi të gjithë.
Mbrëmë takova këtu ambasadorin Kris Hill, një ndër veteranët e diplomacisë amerikane dhe njohës i thellë i rajonit i ciki ka shërbyer në tiranë në kohë dramatike të transformimit nga diktatura në demokraci dhe sot shërben ne Beograd. Ai është një nga dëshmitarët që duhet patjetër Ballkani i Hapur, ai është këtu për ta mbështetur BH dhe kjo për mua është inkurajuese ndërkohë që jam shumë i lumtur që sot këtu me ne janë edhe kryeministri i Malit të Zi, Dritani dhe Zorani nga Bosnja. Ashtu jam i lumtur që këtu janë partnerë të pazëvendësueshëm të vendit tonë, Barello i BE dhe Escobar i SHBA. Ballkani i Hapur është i rëndësishëm për njerëzit tanë, është i rëndësishëm për hapësirën e përbashkët që lindin fëmijët tanë që nesër fëmijët tanë do të marrin në dorë fatet e vendit tonë. Në Këshillimin Kombëtar ishin mbi 60% që ofronin mbështetje për Ballkani i Hapur, një shifër që do të ishte më e larta nëse do të ishte bërë pas konfliktit në Ukrainë.
Ne e dimë shumë mirë për të ditur marrëdhënien e Rusisë me Serbinë. Mes Serbisë dhe Kosovës ka ende konflikt të pazgjidhur këto i dimë gjitha. Por nuk mund të qëndrojmë me kurriz nga e ardhmja por të shikojmë përpara. Sot jemi këtu sepse duam të vazhdojmë drejt të ardhmes pa i mbyllur sytë për problemet e pazgjidhura. Problemet zgjidhen vetëm duke u afruar dhe të kuptojmë sa të rëndësishëm jemi me njëri tjetrin. SHBA ka hedhur dy bomba atomike në Japoni, por sot Japonia dhe SHBA kanë marrëdhënien e ngushtë”, u shpreh Rama.
