Ka përfunduar seanca e parë për raundin e parë për zgjedhjen e presidentit. Seanca ka zgjatur vetëm 3 minuta. Duke qenë se nuk është paraqitur asnjë kandidaturë, komisioni i Ligjeve paraqiti këtë raport përsa i përket procesit. Pra digjet raundi i parë për zgjedhjen e presidentit.
Ndërkohë që seanca plenare u mbyll nga kryetarja e Kuvendit, Lindita Nikolla e cila nukpranoi t’i jepte fjalën deputetit demokrat, Edmond Spaho me arsyetimin se nuk do të kishte debate gjatë raundit të parë për zgjedhjen e presidentit.
Të nesërmen në orën 10:00 pritet të mbahet konferenca e kryetarëve për të përcaktuar datën e mbajtjes për raundin e dytë për zgjedhjen e presidentit.
