Aineo Redo, 49 vjeç, një avokat shqiptar është gjetur i vrarë me thikë në Itali. Mediat vendase shkruajnë se se trupi i Redos u gjet nga një kalimtar paraditen e sotme rreth orës 10:00 në qendër të Reggia Emilia.
Avokati shqiptar u pikas nga kalimtarë të rastit në rrugën San Giuseppe në tunelin BNL, të cilët njoftuan autoritetet. Dosja është në duart e prokurorit Iacopo Berardi dhe pista e parë që po hetohet janë konfliktet që mund të ketë pasur shqiptari.
Avokatit iu gjet dhe një hikë në dorë, por hetuesit mendojnë se e gjitha është një inskenim për ta bërë ngjarjen të duket si vetëvrasje. Deri më tani janë pyetur banorët e zonës dhe po shqyrtohen pamjet filmike të kamerave të sigurisë.
